AQShning Dallas shahri federal hakamlik sudi Johnson & Johnson kompaniyasi va uning DePuy Orthopaedics sho‘'ba korxonasiga sifatsiz mahsulotlari uchun 1 mlrd dollarga yaqin jarima to‘lash majburiyatini yukladi.
Hakamlar tomonidan aniqlanishicha, Pinnacle protezlarida nuqsonlar bo‘lgan, ammo xaridorlarni hech kim ogohlantirmagan.
Ma'lumotlarga ko‘ra, Johnson & Johnson kompaniyasiga qarshi 8 mingdan ortiq ariza kelib tushgan.
O‘z navbatida, kompaniya advokatlari sud qarori yuzasidan apellyatsiya berishlarini ma'lum qilishgan.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
