Oliy ta’lim, fan va innovatsiyalar vazirligining tegishli buyrug‘i bilan respublika oliy ta’lim muassasalarining bakalavriat ta’lim yo‘nalishlariga mos test sinovi topshiriladigan fanlar majmuasi, test topshiriqlari soni hamda baholash mezonlari tasdiqlandi. Mezonlar o‘tgan yilgi qabuldagidek qoldirildi. 

Unga ko‘ra: 

Barcha test topshiruvchilar uchun majburiy 3 ta fan:

- Ona tili (o‘zbek, rus, qoraqalpoq v.b. tillar) x 10 ta;

- Matematika x 10 ta;

- O‘zbekiston tarixi x 10 ta;

30 ta savol uchun 1,1 balldan jami 33 ball. 

Bakalavriat ta’lim yo‘nalishiga mos bo‘lgan 2 ta fan:

- 1-fan: 30 ta savol x 3,1 ball = 93 ball;

- 2-fan: 30 ta savol x 2,1 ball = 63 ball;

60 ta savol uchun jami 156,0 ball. 

2024/2025-o‘quv yili qabulida abituriyentlarga 5 ta fan bo‘yicha jami 90 ta test topshirig‘i beriladi. Bunda to‘plash mumkin bo‘lgan maksimal ball 189 ga teng.