Bugun prezident Shavkat Mirziyoyev Toshkent viloyati Ohangaron tumaniga tashrif buyurib, elektrotexnika sanoati texnoparkidagi korxonalar faoliyati bilan tanishadi. Shuningdek, davlat rahbari raisligida tarmoq va hududlarda yuqori iqtisodiy o‘sish sur’atlarini ta’minlash bo‘yicha ustuvor vazifalar yuzasidan videoselektor yig‘ilishi bo‘lib o‘tadi.
Ma’lum qilinishicha, tashrif davomida elektrotexnika sanoati texnoparkidagi ishlab chiqarish quvvatlari, korxonalar faoliyati va sohadagi amaliy natijalar bilan tanishiladi.
Shu bilan birga, prezident raisligida bo‘ladigan videoselektor yig‘ilishida tarmoq va hududlarda iqtisodiy o‘sish sur’atlarini oshirish, mavjud imkoniyatlarni ishga solish hamda ustuvor vazifalarni amalga oshirish masalalari muhokama qilinishi kutilmoqda.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
