Barsits voqeani siyosiy sabablarga ko‘ra ta’qib deb atadi, garchi o‘zini mustaqil deb e’lon qilgan respublika rasmiylari muxolifatchilar «noqonuniy harakatlar» uchun qo‘lga olinganini da’vo qildi.
Muxolifatchilar ushlanishi noroziliklarga sabab bo‘ldi
Muxolifatchilarning qo‘lga olinishi tan olinmagan Abxaziyada ommaviy noroziliklarga sabab bo‘ldi. 11 noyabrdayoq mahalliy aholi Suxumidagi Davlat xavfsizlik xizmati (DXX) binosi yonida yig‘ilib, u yerga olib kelingan faollarni ozod qilishni talab etgan.
Muxolifat tarafdorlari va Davlat xavfsizlik xizmati xodimlari o‘rtasida vaqti-vaqti bilan mushtlashuvlar yuzaga keldi, deb yozadi «Respublika» Telegram-kanali. Yig‘ilganlar avtomashina bilan darvozani burib, hududga kirishga uringan.
Namoyishchilar, shuningdek, markaziy avtotrassa va Suxumidan chiqishda uchta ko‘prik – Kodori, Verxnegumistinskiy va Gumistinskiyni to‘sib qo‘ygan. Keyin ularning asosiy qismi Ozodlik maydoniga ko‘chdi. «Respublika»ga ko‘ra, mitingga «butun Abxaziyadan» odamlar kelgan.
Muxolifatchilar ozod etilgandan so‘ng, respublika trassasi o‘tadigan Gumistinskiy ko‘prigi yana transport harakati uchun ochildi.
