Amazon Go nomli bu do‘konga kirish uchun smartfondagi dasturni yuklab, ekranda paydo bo‘lgan QR-kodni do‘konga kirishdagi turniketga qo‘yish talab etiladi. Xaridor  peshtaxtalardan oladigan va qaytib qo‘yadigan mahsulotlar kameralar va maxsus datchiklar tomondan qayd qilinadi. Xarid uchun pul do‘kondan chiqishda Amazon akkauntiga biriktirilgan bank kartasidan avtomatik tarzda yechib olinadi.