Eng tez quruqlikdagi sut emizuvchi hayvon — gepard hisoblanadi. U soatiga 114 km tezlikkacha yugura oladi. Ammo amalda o‘ljani quvish vaqtida uning tezligi odatda 80–100 km/soat atrofida bo‘ladi.
Gepard 100 km/soat tezlikka 3 soniyada chiqa oladi, biroq bunday yuqori tezlikni faqat qisqa masofada ushlab turadi.
Eng tez hayvonlar qatorida vilorog va springbok alohida ajralib turadi. Vilorog geparddan qisqa masofada orqada qolsa-da, u uzoq vaqt davomida yuqori tezlikni saqlab tura oladi. Uning qayd etilgan maksimal tezligi — 88,5 km/soat. Springbok ham shunga yaqin natija ko‘rsatadi.
Ayrim ma’lumotlarga ko‘ra, sherlar (ayniqsa, urg‘ochi sherlar) 80 km/soat tezlikkacha yeta oladi. Ammo ular ham gepard kabi bu tezlikni faqat qisqa vaqt saqlay oladi. Gnu va garna antilopalari ham taxminan 80 km/soat tezlikka ega.
Eng tez hayvonlar qatoriga ayrim it zotlari ham kiradi. Masalan, greyxaund (ingliz borzoyi) soatiga 67,3 km tezlikkacha yugura oladi.
Otlarning tezligi zotiga bog‘liq: poyga oti — 70,76 km/soat (2008 yilda rekord), Amerika kvorterxorsi — 88 km/soat gacha tezlashishi mumkin
Yangi infografikada barcha eng tez hayvonlar qamrab olinmagan. Shuningdek, hayvonlarning maksimal va o‘rtacha tezligi turli manbalarga ko‘ra farq qilishi mumkin.
