Majburiy ijro byurosi Sirdaryo viloyati boshqarmasi tomonidan joriy yilning o‘tgan davrida 26 nafar shaxsga nisbatan JKning 122-moddasi (Voyaga yetmagan yoki mehnatga layoqatsiz shaxslarni moddiy ta'minlashdan bo‘yin tovlash) bilan jinoyat ishi qo‘zg‘atilib, ayblov dalolatnomasi bilan mazmunan ko‘rib hal etish uchun sudlarga yuborilgan.
Shuningdek, o‘tkazilgan monitoring davomida Guliston shahrida joylashgan MChJ rahbari o‘zining moddiy javobgarligida bo‘lgan 5 ming quti elektron sigaretlarni noqonuniy yo‘l bilan sotib, sudning qonuniy hukmi chiqqunga qadar o‘zlashtirib, talon-toroj qilib yuborganligi aniqlandi.
Mazkur holat yuzasidan 2021 yil 1 iyul kuni JKning 167-moddasi 2-qismi a,g bandlari bilan jinoyat ishi qo‘zg‘atilib, dastlabki tergov harakatlarini olib borish uchun viloyat prokuraturasiga yuborildi.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
