Jizzax viloyati IIB axborot xizmati xabariga ko‘ra, hammasi A.A.ning Zarbdor tumanidagi “Toshkesgan” qishloq fuqarolar yig‘ini hududidan bir nechta daraxtlarni kesishidan boshlandi.
Qayd etilishicha, bundan xabar topgan tuman ekologiya va atrof-muhitni muhofaza qilish tizimi xodimlari S.T. va M.O. qonunbuzarga chora ko‘rmaslik evaziga 2 million so‘m pora so‘rashgan.
A.A.ning arizasi asosida ichki ishlar organlari xodimlari tomonidan tezkor tadbir tashkil etildi. Natijada 1 million so‘m pora olgan S.T. ushlandi.
Holat yuzasidan tegishli tartibda jinoyat ishi qo‘zg‘atilgan, deyiladi ma'lumotda.
