Turkiya prezidentining matbuot kotibi Ibrohim Kalin Amerikaning The New York Times gazetasida Iroqning Sinjarida turk hududida taqiqlangan Kurdiston ishchi partiyasi ijroiya qo‘mitasi a'zosi Isroil O‘zdenning halok bo‘lishi haqida e'lon qilingan maqolani terrorizmni oqlashga urinish deb atadi.
Kalinning so‘zlariga ko‘ra, agar nashr mantig‘iga rioya qilinsa, ayrimlar uchun «Al-Qoida» terrorchilik guruhining sobiq yetakchisi Usama bin Lodin ham «qahramon» bo‘lishi kerak.
«Bu jurnalistika emas. Bu New York Times’ning Kurdiston ishchi partiyasi terrorizmini oqlashga qaratilgan qabul qilib bo‘lmas harakatidir», - deya ma'lum qildi Kalin.
Eslatib o‘tamiz, avvalroq Donald Tramp Turkiya bo‘yicha yangi bayonot bilan chiqqandi.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
