Ayol qizchani mustahkam paketga solib, muhrlab va unda yaqin oradagi bolalar uyi manzilini ko‘rsatib, kurerga topshirgan.
Kurer bu holatdan shubhalanib, ayoldan jo‘natma ichidagini ko‘rsatishni so‘ragan, biroq ayol buni qilishdan bosh tortgan va boz ustiga, kurerning rahbariyatiga uning o‘ta qiziquvchanligi yuzasidan shikoyat qilish bilan tahdid qilgan.
Kurer ayol bergan paket ichidagi narsa qimirlay boshlab, so‘ngra chaqaloq ovozi eshitilgandan keyin politsiyaga murojaat qilgan.
Politsiya qizchani Tszinan tuman shifoxonasiga yuborgan. Politsiyachilar chaqaloqning ota-onasiga qo‘ng‘iroq qilishgan, biroq ulardan birortasi qizchani olib ketish uchun kelmagan. Xitoy qonunlariga ko‘ra, o‘z farzandidan voz kechgan ona 5 yilgacha ozodlikdan mahrum etilishi mumkin.
