Nashrga ko‘ra, 2014 yil oktabrida ushbu sud kichik Bakiyevga 50 mln dollarni «Aziyauniversalbank»dan olib chiqishga doir ish bo‘yicha umrbod qamoq jazosi tayinlagan edi. Bundan avval, o‘sha yilning aprel oyida Birinchi may tumani sudyasi Maksimni tadbirkor Shon Deyliga suiqasd qilish bo‘yicha ishga aloqador deb topgan va dastlabki umrbod qamoq jazosini tayinlagandi.
Kurmanbek Bakiyev 2010 yil aprelida ag‘darilgan va respublikadan Belorussiyaga qochgan edi. Uning o‘g‘li Maksim ayni vaqtda Londonda qochqin maqomida istiqomat qiladi.
