Ispaniya va Fransiyada o‘rmon yong‘inlari – fotosuratlar

Yevropada rekord darajadagi issiq va qurg‘oqchilik fonida keng ko‘lamli o‘rmon yong‘inlari davom etmoqda. Eng og‘ir vaziyat – Fransiya va Ispaniyada kuzatilmoqda.

Ispaniya ichki ishlar vazirligi xabar berishicha, Madrid atrofidagi hududlarda 70 mingdan ortiq kishi o‘z uylaridan vaqtincha ko‘chirilgan. Fransiya hukumati esa mamlakat janubi-g‘arbidagi Bordo shahri atrofida aholi evakuatsiyasi haqida ma’lum qilgan. Fransiyaning turli hududlarida jami 200 mingga yaqin kishi evakuatsiya qilingan.

Fransuz rasmiylari yong‘inlarga qarshi kurash uchun Yevropa ittifoqidan yordam so‘ragan. Yevroittifoq Portugaliya, Xorvatiya, Chexiya, Shvetsiya va Slovakiyadan samolyot va vertolyotlar yuborilishini va’da qilgan.

Ispaniya hukumati umummilliy ko‘lamdagi favqulodda holat rejimini e’lon qilgan. Poytaxt Madrid shahri chekkalari va Avila provinsiyasida o‘rmon yong‘inlari avj olgan. 25 iyul kuni Ispaniyada shamol kuchaydi va bu o‘rmon yong‘inlariga qarshi kurashni qiyinlashtirdi. Madrid shahri meri Izabel Dias Ayuso mintaqadagi yong‘inlarni tarixdagi «eng qo‘rqinchlisi» deb atadi.