Milliy Olimpiya Qo‘mitasida O‘zbekiston futbol assotsiatsiyasining hisobot-saylov kongressi o‘tkazildi. Unda kutilganidek shov-shuvli intriga bo‘lmadi va asosiy rahbarlar o‘z vazifasiga qayta saylandi. O‘zbek futbolining keyingi yillardagi rivojlanish yo‘lini ham Abdusalom Azizov va Ravshan Ermatov belgilab beradigan bo‘ldi.
Abdusalom Azizov O‘FAning oldida turgan rejalari haqida gapirar ekan avvalo bolalar, ayollar futboliga e'tibor qaratish muhimligini aytdi. Tashkilot oldida turgan konkret vazifa nihoyat jahon chempionatiga chiqish va olimpiya futbol jamoasi bilan Parij olimpiadasiga yo‘llanma olish ekani aytildi.
Shuningdek, O‘FA ijroiya qo‘mitasiga ham 9 nomzod tasdiqlandi. Ovoz berish jarayonida qatnashganlar barchasi jarayonda bir ovozdan «ha» so‘zi yozilgan qog‘ozlarni ko‘tarib turishdi.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
