Hukumat ushbu topilma arxeologlarning 2019 yildagi ilk yirik topilmasi ekanini qayd etgan.
Maqbara mamlakat poytaxti Qohiradan janubda joylashgan Al-Minya viloyati hududidan topilgan. Tuna-al-Gabal tumanidagi maqbara ichida 20 metr uzunlikdagi xona bo‘lib, uning ichiga bir oila a'zolari dafn qilingan.
Arxeologlarning so‘zlariga ko‘ra, mumiyolar turli yosh va jinslardagi odamlarga tegishli bo‘lib, 12ta mumiyo bolalarnikidir. Mutaxassislar ularning ismlari ifodalangan iyerogliflarni topishmagan. Lekin bu oila o‘sha davrdagi yuqori tabaqaga mansub oila bo‘lgani taxmin qilinmoqda.
