Musiqachi UFC 229 musobaqasida Konor Makgregor ustidan qozonilgan g‘alabadan so‘ng yuz bergan mushtlashuv sababli rossiyalikka gonorar to‘lamayotgan UFC rahbariyatining xatti-harakatlarini qoralab chiqdi. 50 cent so‘zlariga ko‘ra, u Bellator’ga o‘tishi uchun Habibga pul to‘lashga tayyor.
«UFC’ning Habibga nisbatan ko‘rsatayotgan munosabati - noto‘g‘ri, chunki ular Konor bilan ham xuddi shu ishni qilishmadi. Agar Habib men uchun Bellator’da jang qilsa, bugunning o‘zidayoq 2 million dollar naqd pul to‘layman», - deya yozgan rep ijrochi tvitterda.
I️ think it’s wrong what the UFC is doing to Khabib, they didn’t do the same thing to McGregor. I’ll pay 2 million cash tonight if he will fight for me at Bellator. pic.twitter.com/K7QYxR4IHI
— 50cent (@50cent) October 13, 2018
Eslatib o‘tamiz, avvalroq Habib Nurmagomedov o‘ziga kelib tushgan taklif haqida ma'lum qilgandi.
