Nashrning ma'lum qilishicha, BMTning oziq-ovqat yuklangan yuk mashinalariga 16 dekabrda Borno shtatida hujum qilingan. Hujum oqibatida 4 haydovchi halok bo‘lgan, yana 3 kishi o‘g‘irlab ketilgan. Bundan tashqari, bitta yuk mashinasi yoqib yuborilgan.
Ta'kidlanishicha, hujumni “Boko Harom” ekstremistik guruhi jangarilari amalga oshirgan.
BMT vakili karvonga hujum qilinganini tasdiqlagan. Xabarda o‘ldirilgan haydovchilar BMT xodimlari bo‘lgan-bo‘lmagani ma'lum qilinmagan.
