O‘zbekiston Respublikasi Prezidentining 2017 yil 19 yanvardagi PQ-2733-son «Yuridik xizmat faoliyatini tubdan takomillashtirish chora-tadbirlari to‘g‘risida»gi Qaroriga asosan Adliya vazirining 2017 yil 5 iyuldagi buyrug‘i bilan davlat organlari va tashkilotlarining yuridik xizmati xodimlariga maxsus unvon-martaba darajalari berildi.
Bu haqda adliya vazirligining rasmiy sayti xabar bermoqda.
Adliya vazirligi axborot xizmatiga ko‘ra, ushbu buyruq bilan O‘zbekiston Milliy teleradiokompaniyasi, O‘zbekiston Respublikasi Markaziy banki, O‘zbekiston Respublikasi Davlat soliq qo‘mitasi, «O‘zagrotexmash» AJ hamda Navoiy, Sirdaryo va Xorazm viloyatlaridagi jami 29 nafar yuridik xizmat xodimlariga maxsus unvon-martaba darajalari berilgan.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
