16 mamlakatdan yosh olimlar ishtirok etgan tanlovning “Fizika va matematika sohasidagi eng yaxshi ilmiy maqolalar” yo‘nalishiga tadqiqotchilar so‘nggi besh yil mobaynida fizika fani bo‘yicha xalqaro nufuzli jurnallarda chop etgan maqolalari bilan ishtirok etganlar. Toshkent shahridagi Inha universiteti professori 2016 yil uchun mazkur nufuzli mukofotni qo‘lga kiritgan o‘zbekistonlik yagona laureat bo‘ldi.
Universiteti rektori Sarvar Babaxodjayevning qayd etishicha, yaqinda universitet mahalliy professorlarni tayyorlash dasturini ishga tushirgan. Mazkur dastur doirasida yosh o‘qituvchilar hamda akademik yo‘nalish bo‘yicha xodimlar O‘zbekistondan tashqarida, jumladan, Janubiy Koreyadagi nufuzli universitetlarda ta'lim olish, ilmiy darajalarini oshirib qaytishlari mumkin. Bu esa muassasadagi ta'lim sifatini oshirish barobarida, O‘zbekistonda fan-ta'lim rivojiga ham o‘z hissasini qo‘shadi.
