Adabiy seminar Germaniyadan Farg‘ona davlat universiteti va O‘zbekiston davlat jahon tillari universitetiga mutaxassis sifatida taklif qilingan I.Landes va S.Krechmerlar tomonidan joriy yilning 4-11 mart kunlari o‘tkaziladi. Germaniyalik yozuvchi va shoir M.Gauze hamda teatr pedagogi P.Shyonxerrlarning ham ishtiroki rejalashtirilmoqda.
Adabiy seminarda FarDU, TMI, TXVU, SMRI, AndDU, SamDChTI, UrDU kabi oliy ta'lim muassasalarining nemis tilini o‘rganuvchi talabalari hamda o‘qituvchilari ishtirok etishadi.
Seminar Germaniya elchixonasi bilan hamkorlikda o‘tkaziladi va uning maqsadi hukumatimiz tomonidan respublikamizda chet tillarni o‘rganish tizimini yanada takomillashtirish borasida qabul qilingan qarorlarni amalga oshirishga qaratilgan.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
