Organizm ichiga kirmay turib ichki organlar tasvirini olish borasidagi tadqiqotlar zamonaviy tibbiyotdagi eng ilg‘or sohalardan biridir.
Mensfild va amerikalik tadqiqotchi Pol Loterburg ushbu texnologiyani o‘rganish va yaxshilash maqsadida bir-birini to‘ldiruvchi tadqiqot va tajribalar o‘tkazishgan. Ularga ixtiro uchun Nobel mukofoti 2003 yilda topshirilgan.
Mensfild o‘z vaqtida maktab imtihonlarini topshira olmagan hamda 15 yoshidan boshlab bosmaxonada mehnat qilgan, so‘ngra armiyaga jo‘nagan. Yigit armiyada raketa qurish sohasi bilan qiziqib qolib, kerakli imtihonlarni topshirgan va Londondagi kollejga o‘qishga kirgan. Uni tugatgach esa yadro magnit-rezonansi muammolari haqida ilmiy ish yozgan.
