22 avgustdan boshlab, “Andijon-Termiz-Andijon” yo‘nalishida 660/659-sonli yo‘lovchi poyezdlari qatnovi yo‘lga qo‘yiladi. Bu haqda “O‘ztemiryo‘lyo‘lovchi” aksiyadorlik jamiyati xabar qilmoqda.
Qayd etilishicha, haftaning yakshanba kunlari soat 14:34 da Andijondan harakatini amalga oshiradigan 660-sonli yo‘lovchi poyezdi Marg‘ilon, Qo‘qon, Toshkent, Sirdaryo, Jizzax, Samarqand, Qarshi kabi yirik shaharlardan o‘tib, Termiz shahriga yetib boradi.
Shuningdek, 659-sonli yo‘lovchi poyezdi 23 avgustdan boshlab, har haftaning dushanba kunlari soat 15:25 da Termiz temiryo‘l vokzalidan harakatini amalga oshiradi.
