O‘zbekistonda «O‘zbekiston - Afg‘oniston - Pokiston» va «Xitoy - Qirg‘iziston - O‘zbekiston» yangi transport yo‘laklarini shakllantirish bo‘yicha ishlar faollashtiriladi hamda tezlashtiriladi.
Transport-logistika sohasida hamkorlik masalalari bo‘yicha xorijiy davlatlar bilan muzokaralar o‘tkazishga oid tadbirlar rejasida aytilishicha, bu temir yo‘llarni loyihalashtirish va qurish masalalari bo‘yicha xalqaro muzokaralarda ishtirok etish yo‘li bilan amalga oshiriladi.
Amalga oshirish muddati - 2019 yil 1 sentabr. Mas'ullar - Transport vazirligi, «O‘zbekiston temir yo‘llari», Investitsiyalar va tashqi savdo vazirligi, TIV.
