Bosh prokuratura Temer 2017 yilda pora uchun ikkita port shartnomasini 70 yillik muddatga uzaytirishga ruxsat beruvchi farmonni chiqargan, deb hisoblamoqda. Prezident ma'muriyatida bunga javoban prezident o‘z aybsizligi isbotlarini keltirishi mumkinligi aytilgan.
Huquq-tartibot idoralari prezidentning Lotin Amerikasidagi eng yirik port – Santusda faoliyat olib boruvchi Rodrimar SA kompaniyasi bilan aloqalarini tergov qilishni 2018 yil boshida boshlagan. Temer, shuningdek, Odebrecht qurilish kompaniyasidan pora olishda gumon qilinmoqda. Prezident barcha ayblovlarni rad etmoqda.
Prokuratura prezidentdan tashqari yana 5 kishiga ayblov bildirgan. Prokuratura ular 32,6 mln real (8,3 mln dollar) miqdoridagi zararni qoplashlari kerakligini ta'kidlamoqda.
Temerga qarshi jarayon Braziliya parlamenti tomonidan ma'qullangandan keyingina boshlanishi mumkin. Biroq OAVda bu Temerning vakolatlari muddati tugaydigan 2019 yil yanvarida yuz berishi mumkinligi taxmin qilinmoqda.
