Mahalliy OAV xabariga ko‘ra, avtobusda 36 yo‘lovchi bo‘lgan - O‘zbekiston fuqarolari. Tekshiruv natijasida aniqlanishicha, transport vositasi harakatlanish uchun xavfli bo‘lgan, boshqaruv va tormoz tizimidagi nosozliklar bilan yo‘lga chiqqan. Avtobus maxsus turargohga olib ketildi.

Yo‘lovchilarning hujjatlarini tekshirishda migratsiya qonunchiligi buzilishiga doir 10ta holat aniqlandi. Har bir qoidabuzarga ikki ming rubl miqdorida jarima solindi. Ular Rossiya Federatsiyasi hududidan chiqarib yuborilgan.

Eslatib o‘tamiz, avvalroq Rossiyada O‘zbekistonning 17 fuqarosi o‘limiga sababchi bo‘lganlar sud oldida javob berishi xabar qilingandi.

Rossiyaning Vladimir oblasti Pokrov stansiyasida poyezd g‘ildiraklari ostida qolgan o‘zbekistonliklarning o‘limiga sababchi bo‘lganlar sud oldida javob beradi. Petushinskiy tuman sudi O‘zbekistonning 17 fuqarosi o‘limi bo‘yicha ikki nafar xorijlikka nisbatan jinoiy ishni ko‘rib chiqadi.