Xitoyning Guandun viloyatidagi Punin shahrida qurilish krani avtomobil ustiga quladi. Hodisa oqibatida yetti kishi qurbon bo‘ldi, yana uch nafari turli darajada jarohat olgan.
CCTV telekanalining xabar berishicha, fojia seshanba kuni kunning ikkinchi yarmida yuz bergan. Barcha qurbonlar voqea joyining o‘zida hayotdan ko‘z yumgan. Jabrlanganlar orasida bolalar ham bor, ularning bari shifoxonaga olib ketildi.
Hodisa nima sababdan ro‘y berganiga oid ma'lumot hozircha yo‘q.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
