Meksika hukumatining ma'lum qilishicha, mamlakat narkobaroni Xoakin Gusmanning to‘ng‘ich farzandi, 29 yashar Xesus Alfredo Gusman "Sinaloa" guruhining besh nafar a'zosi bilan birga boshqa bir jinoiy guruh – “Xaliskoning yangi avlodi” tomonidan o‘g‘irlab ketilgan
Voqea 16 avgust kuni, Puerto Valyarta kurort shahrining restoranlaridan birida sodir bo‘lgan.
Bosh prokuror Eduardo Almager jurnalistlarga aytishicha, to‘plangan fakt va dalillar Xesus Gusman olib qochib ketilganlar orasida ekanligini ko‘rsatmoqda.
Meksikada eng yirik narkokartel hisoblangan Xoakin Gusmanning to‘ng‘ich o‘g‘li Xesus kartelning yuqori darajali a'zolaridan biri hisoblanib, AQShda qidiruvga berilgan.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
