O‘zbekiston tashqi ishlar vaziri o‘rinbosari Furqat Siddiqov Ummon Savdo-sanoat palatasi raisi o‘rinbosari Salim al-Junaybiy bilan uchrashuv o‘tkazdi, deb xabar bermoqda “Dunyo”.
Muzokaralar davomida ikki davlat o‘rtasidagi savdo-iqtisodiy aloqalar bugungi holati va istiqbollari muhokama qilindi. Tomonlar ushbu yo‘nalishda keng imkoniyatlar mavjudligini ta’kidlab, bu borada ishbilarmon doiralar o‘zaro hamkorligini kuchaytirish bo‘yicha aniq ishlarni amalga oshirishga kelishib oldi.
Tomonlar Masqat shahrida Made in Uzbekistan savdo ko‘rgazmasini o‘tkazish va Ummon ishbilarmon vakillari O‘zbekistonga safarini uyushtirish yuzasidan yakdillikka erishdi.
