«Shartnoma tez orada imzolanadi. U jamoa bosh murabbiyiga aylanadi», — deydi klub prezidenti Laporta.
Klub matbuot xizmatining yozishicha, 8 noyabr kuni taqdimot marosimi o‘tkaziladi va 41 yoshli mutaxassis bilan 2024 yilgacha mo‘ljallangan shartnoma imzolanadi.
Eslatib o‘tamiz, «Barselona» 28 oktabr kuni Ronald Kumanni iste'foga chiqargach, «Barselona B» jamoasi ustozi Serxi Barxuan bosh murabbiy vazifasini bajaruvchi etib tayinlangandi. 5 noyabr kuni esa «As Sadd» Xavi Kataloniyaga klubiga o‘tayotganini e'lon qildi.
Sobiq yarimhimoyachi futbolchilik faoliyatida 1998 yildan 2015 yilgacha «ko‘k-anorranglilar» tarkibida harakat qilgan.
