Bugun, 10 may kuni O‘zbekiston tashqi ishlar vaziri Abdulaziz Komilov Fransiya Respublikasining Yevropa va tashqi ishlar vazirligi huzuridagi tashqi savdo va iqtisodiy jozibadorlik bo‘yicha vakil-vaziri Frank Riyester boshchiligidagi delegatsiyani qabul qildi.
Vazirlik matbuot xizmatining Kun.uz'ga ma'lum qilishicha, uchrashuvda bo‘lajak qo‘shma tadbirlarga tayyorgarlik ko‘rish bilan bog‘liq masalalarga e'tibor qaratilgan.
Shuningdek, Fransiya tomoni 2022 yil kuzida Parijdagi Luvr muzeyida «Markaziy Osiyo ulug‘vorligi. O‘zbekiston karvon yo‘llarida» nomli ko‘rgazmani tashkillashtirishda O‘zbekistonni har tomonlama qo‘llab-quvvatlashga tayyorligini bildirdi.
— Muallif fikri tahririyat nuqtai nazarini ifoda qilmasligi mumkin.
— Tahririyat bu mavzu bo‘yicha ikkinchi tomonning fikrlariga ham minbar berishga tayyor
