Ta'kidlanishicha, bu ishlar Qurilish vazirligining BMT Taraqqiyot dasturi va Global ekologik fond bilan hamkorlikda “O‘zbekiston Respublikasining qishloq joylarida energiya jihatdan samarali uy-joylar qurilishini rivojlantirishga ko‘maklashish” qo‘shma loyihasi doirasida amalga oshirilmoqda.
Unga ko‘ra, 2019-2021 yillarda energiya jihatdan samarali arzon uy-joylar qurilishi uchun 3 mln AQSh dollari miqdorida maqsadli grantlar ajratilishi nazarda tutilgan. Bu mablag‘lar energiya samaradorligini oshirish bo‘yicha qo‘shimcha xarajatlarni qoplashga yo‘naltiriladi. Loyihaga muvofiq, yangi arzon uy-joylar qayta tiklanadigan energiya manbalarini hosil qiluvchi fotoelektr stansiyalar bilan ta'minlanishi rejalashtirilgan.
Tadbirda qayd etildiki, qishloq joylarda quriladigan uylarga energiya tejaydigan qurilish materiallari va jihozlarini qo‘llash kelgusi yillarda ham davom ettiriladi, xalqaro tajribalarni qo‘llagan holda takomillashtirilgan loyihalar ishlab chiqiladi.
