Hujjat bilan O‘zbekiston Respublikasining 1998 yil 30 aprelda qabul qilingan 607-I-sonli Qonuni bilan tasdiqlangan O‘zbekiston Respublikasining Oila kodeksiga quyidagi o‘zgartish va qo‘shimcha kiritilishi mumkin:
16-modda (Nikoh tuzishga monelik qiladigan holatlar) quyidagi mazmundagi beshinchi xatboshi bilan to‘ldiriladi:
“nikoh shartnomasi tuzilmagan shaxslar o‘rtasida yo‘l qo‘yilmaydi.”.
30-moddaning (Nikoh shartnomasi tuzish) birinchi qismi (Nikoh shartnomasi nikoh davlat ro‘yxatiga olinguniga qadar ham, shuningdek nikoh davrida ham tuzilishi mumkin) quyidagi tahrirda bayon etiladi:
“Nikoh shartnomasi nikoh davlat ro‘yxatiga olinguniga qadar tuzilishi lozim.”.
O‘zbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtiradi;
davlat boshqaruvi organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta'minlaydi;
ushbu Qonunning ijrosini, ijrochilarga yetkazilishini hamda mohiyati va ahamiyati aholi o‘rtasida tushuntirilishini ta'minlaydi.
