Janubiy Koreyaning «Tejon Sitizen» jamoasida to‘p surayotgan Shohrux Gadoyev navbatdagi turda jamoasining muhim gollaridan biriga mualliflik qildi.
«Suvon Siti» mehmoni bo‘lgan tejonliklar uchrashuvda muhim g‘alabani qo‘lga kiritdi — 2:1. Uchrashuvning 49-daqiqasida Park In Hyok hisobni ochgan bo‘lsa, 54-daqiqada Shohrux Gadoyev hisobdagi farqni ikkita oshirdi. So‘nggi daqiqada mezbonlarning braziliyalik legioneri Alvesh farqni bittaga qisqartira oldi, xolos.
Ushbu g‘alabadan keyin «Tejon» ochkolari sonini 10taga yetkazib oldi va Key-2 liganing xavfli zonasidan 7-o‘ringacha ko‘tarilishga muvaffaq bo‘ldi. «Suvon» esa 9 ochko bilan 9-o‘ringa (jami 10ta jamoa) tushib ketdi.
Janubiy Koreya Key-2 ligasi
Suvon Siti - Tejon Sitizen 1:2 (0:0)
Gollar: Alvesh (90) - Park In Hyok (49), Shohrux Gadoyev (54).
