АҚШ мустақиллигининг 250 йиллигини дабдаба ва мушакбозлик билан нишонлади (фоторепортаж)

Президент Доналд Трамп бу мушакбозликни АҚШ тарихидаги энг каттаси деб баҳоламоқда. У режалаштирилганидан анча кеч сўзга чиқди ва нутқ вақти бир неча маротаба ўзгартирилди. Трамп National Mall’даги асосий саҳнадан америкаликларга табрик йўлларкан, “Америка буюклиги қайтди”, дея таъкидлади.

Мустақиллик байрами АҚШ бўйлаб ўта иссиқ ва ноқулай об-ҳавода нишонланди. Айниқса, шарқий соҳил бўйлаб ҳаво ҳароратининг ҳаддан ортиқ кўтарилиши байрам тадбирлари бекор қилинишига ҳам сабаб бўлди. Аммо, мушакбозлик режа қилинганидек ўтди. Kun.uz пойтахт Вашингтон шаҳридан салютлар отилишини кузатди, атрофда йиғилган минглаб америкаликлар байрамни қизиқиш билан томоша қилди.

Фикрлар бўлинган мамлакат – АҚШда Трампнинг озодликнинг 250 йиллигини ўзига боғлагани жиддий танқид ҳам қилинди.

Ўз чиқишида Трамп коммунизм Американинг душмани эканини билдирди, мамлакат доим чўққида бўлиши, ҳеч қачон қуламаслигини тилади.

Мушакбозлик шоусининг ажойиб финали улкан портлашлар билан ажралиб турди ва узоқ кутилган энг юқори чўққига чиқди. Салютлар кечки соат 01:00 га яқин тугади ва йиғилган оломон байрамни олқишлади.