22 июн куни соат 18:30 атрофида Тошкент шаҳар Фавқулодда вазиятлар бошқармасига «112» тизими орқали Миробод туманидаги Тарас Шевченко кўчасида жойлашган қурилиш объектида фавқулодда ҳолат юз бергани ҳақида хабар келиб тушган.
Маълум қилинишича, бинонинг иккинчи қавати остида жойлашган ертўлада бўёқлаш ишларини олиб бораётган уч нафар ишчининг аҳволи бўёқдан ажралиб чиққан ҳид таъсирида ёмонлашган.
Ҳодиса жойига зудлик билан етиб борган қутқарувчилар фуқароларни чуқурдан олиб чиқиб, уларга биринчи тиббий ёрдам кўрсатган. Шундан сўнг жабрланганлар тез тиббий ёрдам ходимларига топширилган.
Фавқулодда вазиятлар вазирлиги маълум қилишича, қутқарувчиларнинг ўз вақтида ва тезкор ҳаракатлари туфайли уч нафар фуқаронинг ҳаёти сақлаб қолинган.
