Маълум бўлишича, 1984 йилда туғилган шахс Чуст туманида яшовчи 4 нафар фуқарони муқаддас Ҳаж амалини адо этиш учун Саудия Арабистонига юборишни ваъда қилган. У мазкур хизмат эвазига 26 минг АҚШ доллари талаб қилган.
Давлат хавфсизлик хизмати ҳамда бошқа ҳуқуқни муҳофаза қилувчи органлар ходимлари томонидан ўтказилган тезкор тадбирда гумонланувчи сўралган пул маблағининг 6 минг АҚШ долларини олган вақтида ашёвий далиллар билан ушланган.
Ҳозирда мазкур ҳолат юзасидан Жиноят кодексининг 168-моддаси 4-қисми “а” банди (фирибгарлик) билан жиноят иши қўзғатилиб, тергов ҳаракатлари олиб борилмоқда.
Мутахассислар фуқароларни “Ҳаж” зиёратини фақат расмий ташкилотлар орқали амалга оширишга, шубҳали таклифларга ишонмасликка чақиради.
