Дастур асосида биринчи навбатда Tошкент шаҳри ва барча вилоятлардан жами 20 нафар эпидемиологлар тайёрланади.
«Бу – уларга яқин келажакда халқаро миқёсда тан олинган замонавий эпидемиологиянинг илмий асосланган усулларидан фойдаланиш имконини беради», – дейилади расмий релизда.
Ўқув дастурнинг очилиши муносабати билан ўтказилган вебинарда Tошкент тиббиёт академияси ректори, профессор Алишер Шодмонов, Соғлиқни сақлаш вазирлиги мутахассислари, Санитария-эпидемиологик осойишталик ва жамоат саломатлиги хизмати вакиллари, АҚШ элчихонаси ишларини юргазиш бўйича вакили Алан Мельцер шунингдек, CDC’нинг Марказий Осиё бўйича ваколатхонаси директори Даниел Сингерлар ўзаро фикр алмашди.
Маълумот учун: CDC – АҚШнинг Соғлиқни сақлаш агентлиги сифатида 1946 йилда ташкил этилиб, ўша даврда санитария-эпидемиология хизмати вазифасини бажарган. CDC АҚШ аҳолиси орасида эмлаш дастурига асос солган. Дунё миқёсида соғлиқни сақлашни амалга оширишдаги чора-тадбирларни такомиллаштиради.
Шунингдек, CDC АҚШнинг барча соғлиқни сақлаш муассасалари ва етакчи университетларининг тиббиёт мактабларида илмий тадқиқотлар олиб бориб, янги лойиҳа ва умуминсоний дастурларни қўллаб-қувватлаб келади.
