Маълумотларга кўра, жорий йилда Ўзбекистон терма жамоаси нуфузли ва халқаро минтақавий фан олимпиадаларида энг яхши натижани қайд этди. Хусусан, халқаро кимё олимпиадасида 2 та олтин медал қўлга киритилгани, халқаро информатика олимпиадасида эса мамлакат тарихида илк бор кумуш медаль олингани айтилмоқда.
Янги рағбатлантириш тизимига мувофиқ, 2025 йил август ойидан бошлаб нуфузли фан олимпиадаларида олтин медалга сазовор бўлган ўқувчилар 1 030 000 000 сўм билан тақдирланади. Шунингдек, мазкур олимпиадаларда олтин олган ҳар бир ўқувчи учун унинг устози 185 400 000 сўм мукофот пули олиши кўзда тутилган.
Шу билан бирга, Мактабгача ва мактаб таълими вазирлиги ахборот хизмати олимпиада ғолиблари, уларнинг устозлари ҳамда ота-оналарининг фикрларини қамраб олган лавҳа тайёрлаган.
