Бутунжаҳон кўчманчилар ўйинлари (World Nomad Games) – этник спорт турлари бўйича халқаро спорт мусобақаси 2026 йилда Ўзбекистонда ўтказилади.
Мусобақа тарихий кўчманчи халқларнинг миллий ўйинлари асосида ташкил этилган. Ўйинлар ташаббускори Қирғизистон ҳисобланади. Дастлабки мусобақалар Чўлпон-Отада (2014, 2016, 2018) ва Туркияда (2022) ўтказилган.
2024 йил 8-15 сентябр кунлари Қозоғистон пойтахти Остона шаҳрида бешинчи Бутунжаҳон кўчманчилар ўйинлари бўлиб ўтади, унда 85 давлатдан 2 мингдан ортиқ иштирокчи қатнашади.
Бутунжаҳон кўчманчилар ўйинлари ЮНEСКО номоддий маданий мероси рўйхатига киритилган.
