Мулоқот давомида томонлар Ўзбекистонда сақланаётган қўлёзмаларни тиклаш, уларни рақамлаштириш (электрон нусха олиш) ва архивлаштиришда Миср тажрибасидан фойдаланиш, соҳада ўзаро ҳамкорлик алоқаларини янада кенгайтириш ва ривожлантириш масалаларини муҳокама қилди.
Икки томонлама ҳамкорлик тўғрисидаги меморандумни Ўзбекистон ва Миср ўртасида иқтисодий ва илмий-техникавий ҳамкорлик бўйича ҳукуматлараро комиссиянинг навбатдаги йиғилиши давомида имзолаш тўғрисида келишиб олинди.
