Тошкент шаҳар фавқулодда вазиятлар бошқармаси навбатчилик қисмига келиб тушган маълумотга кўра, 21 январь куни соат 20:27да Миробод тумани “Минг Ўрик” маҳалласи, А.Темур шоҳ кўчасида жойлашган “Болажон” боғида ёнғин содир бўлган.
Қайд этилишича, мазкур боғ Тошкент халқаро Вестминстер университети ёнида жойлашган.
Воқеа юзасидан туман ёнғин-қутқарув белгиланган манзилга соат 20:32да етиб борган. Ёнғин соат 20:42 да ўчирилган. Аниқланишича, боғдаги эски ошхона ички қисмининг 5 кв.м майдони ёнган.
Юзага келган ёнғин сабаблари аниқланмоқда, дейилади ФВВ хабарида.
