Бизнес юритиш учун энг қулай шароитлар яратилганлик рейтингида жорий йилда аввалги йилдагидек Янги Зеландия етакчилик қилмоқда. 2-ўринни Сингапур ўзида сақлаб қолган. 3-ўринга Ҳонгконг кўтарилиб, Данияни 4-ўринга тушириб юборган. Кейинги ўринларни Жанубий Корея, АҚШ, Грузия, Буюк Британия, Норвегия ва Швеция эгалламоқда.
Ўзбекистон жорий рейтингда ўз позициясини 7-ўринга яхшилаб, 69-ўринни (аввалги рейтингда 76-ўрин) эгаллаган.
Марказий Осиё давлатларидан Қозоғистон энг яхши кўрсаткични намойиш қилиб, 25-ўринни, Қирғизистон 80-ўринни, Тожикистон 106-ўринни эгаллаган.
“Бизнес юритиш” доклади 17-марта тузилмоқда ва 190 та давлатни қамраб олган. У давлатларнинг бизнесни ривожлантиришга кўмак берувчи ёки тўсқинлик қилувчи меъёрлари, жумладан корхонани яратиш, бизнес юритиш, ташқи савдо фаолиятини амалга ошириш, солиқлар тўлаш, инвесторлар ҳуқуқларининг ҳимояланганлиги даражасини ўрганади.
