«Челси» ҳужумчиси Альваро Мората «Атлетико» клубига ўтди.
Испаниялик футболчи 2020 йил ёзига қадар мадридликлар таркибида ижарада ўйнайдиган бўлди.
«Атлетико» футболчининг ижараси учун «Челси»га 7,5 миллион евро тўлайди ва 40-45 миллион евро эвазига уни тўлиқ сотиб олиш ҳуқуқига эга бўлди.
Жорий мавсумда Мората «Челси» таркибида 16та ўйин ўтказиб, 5та гол урган. Унинг «Челси» билан имзолаган шартномаси 2022 йилгача амал қилади.
