Шавкат Мирзиёев бутун дунёда Маданият вазирлиги мамлакатнинг юзи ҳисобланиб, энг гўзал, салобатли биноларда фаолият олиб боришини, Ўзбекистонда эса ноқулай шароитда, асосан расмий идоралар жойлашган бинода иш олиб бораётганини қайд этиб ўтган.
«Бу ўз-ўзидан маданий жамоатчилик, ижод аҳлининг вазирликка эркин кириб-чиқишига, турли ижодий тадбирлар ўтказишига тўсқинлик қилмоқда», — дейилган хабарда.
Шунинг учун пойтахтдаги илгари Ташқи савдо вазирлиги жойлашган кўркам, тарихий бинони Маданият вазирлигига ажратишга қарор қилинган.
