«Ростов» жамоасининг эронлик ҳужумчси Сардор Ўзмун «Р-Спорт» нашрига берган интервьюсида қайси футболчига ўхшашга интилиши ҳақида айтиб ўтди.

- «Барселона» ва «Реал»дан қайси бирини зўр деб биласиз?

– Мен учун «Реал».

- Сизни Лионель Месси билан солиштиришади. Бунга қандай қарайсиз?

– Мен бу ҳақида юзинчи марта айтаяпман. Мени «Эронлик Месси» деб чақиришларини ёқтирмайман. Мен у каби ўйнашни ёқтирмайман. Мен рақиблардан ўтиб кетишда у каби дриблинг ишлатмайман. Мени унга ўхшатишлари ҳам тушунарсиз.

- Унда кимга ўхшатишларини истардингиз?

– Златанга.

- Демак, сиз у каби ўйнайсиз?

– Йўқ, лекин мен унинг ўйинига ҳавас қиламан ва у каби бўлишга интиламан. Мен ҳозир у каби ўйнаяпман деб ўйламайман.

- Златан – етарлича зиддиятли шахс-ку.

– Эҳтимол. Лекин мен фақат унинг майдонда қандай ўйнашини биламан, шахсий ҳаётда қандай одамлигини эмас. Лекин ишончим комилки, у ҳақиқий жентльмен.