Каталониянинг “Барселона” клуби германиялик ҳужумчи Карим Адейеми билан шартнома имзолади. 2031 йил 30 июнгача амал қиладиган шартномага кўра Адейеми йилига 6 млн евро маош олади.
Фабрицио Романонинг ёзишича, “Барса” Дортмунд клубига 22 млн евро + 7 млн бонус тўлайди. Хабар қилинишича, “Боруссия” дастлаб 40 млн еврога яқин пул сўраган, лекин кейинроқ “Барселона” таклиф этган маблағга рози бўлган.
“Мен дунёнинг энг яхши клубига ўтяпман ва мураббий ҳамда мухлисларга “Барселона”га мос ўйинчи эканлигимни кўрсатишга умид қиламан. Чемпионлар лигасини ютиш жуда муҳим, лекин бу ягона мақсад эмас. “Барселона”га ҳар бир баҳс муҳим ва мен унга Чемпионлар лигаси ва бошқа совринларни ютишга ёрдам бермоқчиман”, - деди германиялик ҳужумчи.
24 ёшли Карим ўтган мавсумда клуби сафида 39та ўйинда майдонга тушиб, 10 та гол киритган ва 6та голли узатмани амалга оширган.
Унинг “Боруссия” билан шартномаси 2027 йил 30 июнда якунланиши лозим эди.
