President Tech Award рақамли технологиялар соҳасидаги стартаплар учун мўлжалланган. Танлов инкубация, акселерация ва «Энг яхши стартап» йўналишлари бўйича ўтказилади. Унда молиявий технологиялар, сунъий интеллект, давлат хизматлари учун рақамли ечимлар, таълим, тиббиёт, логистика, ўйинлар индустрияси ва бошқа технологик соҳалардаги лойиҳалар иштирок этиши мумкин.

Танловда Ўзбекистон фуқароларидан ташкил топган жамоалар қатнашади. Инкубация босқичида жамоа 2 нафардан 5 нафаргача, қолган икки йўналишда эса 3 нафардан 8 нафаргача иштирокчидан иборат бўлиши керак.

President Tech Award’нинг умумий мукофот ва инвестиция жамғармаси 5 миллион долларга тенг. Танлов доирасида 70 тагача стартап жамоаси қўллаб-қувватланиши режалаштирилган.

President AI Award эса сунъий интеллект асосидаги ечимлар ишлаб чиқувчи стартаплар учун ташкил этилган. Лойиҳалар давлат бошқаруви, саноат ва бизнес, соғлиқни сақлаш, таълим ҳамда яшил иқтисодиёт ва агротехнологиялар каби бешта йўналиш бўйича қабул қилинади.

Унда 18 ёшдан катта иштирокчилардан иборат 3–8 кишилик жамоалар қатнашиши мумкин. Танлов Ўзбекистон фуқаролари билан бир қаторда мамлакатда доимий яшовчи фуқаролиги бўлмаган шахслар учун ҳам очиқ.

President AI Award’нинг умумий инвестиция жамғармаси 1 миллион долларни ташкил этади. Ҳар бир йўналиш бўйича учтадан ғолиб лойиҳа танланади ва жами 15 та стартап инвестиция жалб қилиш имкониятига эга бўлади.

Аризалар awards.gov.uz платформаси орқали қабул қилинмоқда.

Танловга оид янгиликлар, муҳим эълонлар ва иштирокчилар учун қўшимча маълумотларни қуйидаги Telegram каналлари орқали кузатиб бориш мумкин:

📌 @PresidentTechAward

📌 @president_ai_award

Реклама ҳуқуқи асосида