Чирчиқ шаҳрида ҳайдовчи Cobalt'ни пиёдалар йўлагидан ҳайдагани етмаганидек, йўлакда кетаётган она ва боланинг йўлини тўсган. Ҳуқуқбузар “йўл безорилиги” моддаси асосида 4 млн сўм жаримага тортилиб, 1 йилга ҳайдовчилик гувоҳномасидан маҳрум қилинди.
Тошкент вилояти ЙҲХБга кўра, ҳайдовчига нисбатан “йўл безорилиги” моддаси билан маъмурий баённома расмийлаштирилган.
Жиноят ишлари бўйича Чирчиқ шаҳар судининг қарори билан, ҳайдовчи транспорт воситасини бошқариш ҳуқуқидан 1 йил муддатга маҳрум этилди ва 10 БҲМ (4 млн 120 минг сўм) жаримага тортилди.
— Муаллиф фикри таҳририят нуқтаи назарини ифода қилмаслиги мумкин.
— Таҳририят бу мавзу бўйича иккинчи томоннинг фикрларига ҳам минбар беришга тайёр
