Бу президентнинг “Мамлакатда янги ишланмалар асосида ишлаб чиқаришни ташкил этиш тизимини жорий қилиш ҳамда илм-фанни қўллаб-қувватлашнинг қўшимча чора-тадбирлари тўғрисида”ги фармонида белгиланган.
Ҳужжатга кўра, 2026 йил 1 майдан бошлаб мазкур корхоналар фаолияти учун қатор енгиллик ва қулай шартлар жорий этилади. Жумладан, уларни давлат рўйхатидан ўтказиш ва устав фондидаги давлат улуши миқдорини ўзгартиришда қатор қўшимча келишувлар талаб этилмайди.
Шунингдек, корхоналар муассисларининг профессор-ўқитувчилари, илмий ходимлари, талабалари ва изланувчилари меҳнат жамоаси таркибида фаолият юритиши шарт этиб белгиланмоқда.
Фармонга асосан, бундай корхоналарга инвесторлар томонидан инвестиция киритиш бўйича битимлар, шартнома ва меморандумлар юзасидан ваколатли давлат органининг хулосасини олиш талаби ҳам бекор қилинади.
Бундан ташқари, Инновацион фаолиятни қўллаб-қувватлаш жамғармаси маблағлари ҳисобидан ташкил этилган “спин-офф” корхоналар қонунчиликда белгиланган тартибда венчур молиялаштиришга тенглаштирилади.
