Шумахерга ҳали ҳам рафиқаси Коринна қарамоқда. Бундан ташқари, собиқ автопойгачи ҳамширалар ва терапевтлар жамоаси томонидан 24 соат давомида кузатув остида.
Daily Mail “қамалган одам синдроми” (locked-in syndrome) ҳақидаги миш-мишларни ҳам рад этган. Бу синдромда инсон онгли ва ҳис қилиш қобилияти сақланади, аммо ташқи таъсирларга ҳеч қандай жавоб қайтара олмайди — фақат кўзи орқали. Нашр манбаларидан бири: “У атрофида бўлаётганлардан ниманидир тушунаётгандек ҳис бор, лекин эҳтимол ҳаммасини эмас”, — деб тушунтирган.
Михаэл Шумахер “Формула-1” тарихидаги энг яхши пойгачилардан бири ҳисобланади. У Jordan, Benetton, Ferrari ва Mercedes жамоаларида жами 19 йил иштирок этган ва ушбу жаҳон чемпионатида қатор рекордларни ўрнатган.
2012 йилда Шумахер спорт фаолиятини якунлаган, 2013 йил охирида эса Франция Алпларидаги тоғ-чанғи курортидаги бахтсиз ҳодиса оқибатида бошидан оғир жароҳат олган. Шундан бери у омма олдида кўринмаган. Шумахер оиласи унинг шахсий ҳаёти дахлсизлиги сақланишига қаттиқ эътибор қаратган.
