Тошкент шаҳри, Қорақалпоғистон Республикаси ва вилоятлардаги автомобилларга газ тўлдириш компрессор шохобчалари фаолиятига чеклов киритилди. Бу ҳақда «Ҳудудгазтаъминот» компаниясининг филиаллари хабар берди.
Қайд этилишича, чекловлар ҳокимликлар билан келишилган қарор асосида киритилган:
- Андижон вилоятидаги 143 та метан заправка иши соат 5:00 дан 17:00 гача;
- Бухоро вилоятидаги 95 та метан заправка соат 6:00 дан 19:00 гача;
- Жиззах вилоятидаги 50 та метан заправка соат 5:00 дан 17:00 гача;
- Навоий вилоятидаги 51 та метан заправка соат 6:00 дан 19:00 гача;
- Наманган вилоятидаги 134 та метан заправка иши соат 5:00 дан 17:00 гача;
- Сирдарё вилоятидаги 53 та метан заправка соат 6:00 дан 18:00 гача;
- Сурхондарё вилоятидаги 106 та метан заправка соат 6:00 дан 17:00 гача;
- Самарқанд вилоятидаги 135 та метан заправка соат 5:00 дан 17:00 гача;
- Тошкент шаҳридаги 78 та метан заправка иши соат 6:00 дан 23:00 гача;
- Тошкент вилоятидаги 117 та метан заправка соат 5:00 дан 17:00 гача;
- Фарғона вилоятидаги 173 та метан заправка соат 6:00 дан 18:00 гача;
- Хоразм вилоятидаги 94 та метан заправка соат 5:00 дан 17:00 гача;
- Қашқадарё вилоятидаги 116 та метан заправка соат 5:00 дан 17:00 гача;
- Қорақалпоғистондаги 124 та метан заправка соат 6:00 дан 18:00 гача;
«Ҳудудгазтаъминот» бу чоралар вақтинча эканини, газ босимини меъёрга келтириш бўйича амалий ишлар олиб борилаётганини билдирди. Чекловлар қачон олиб ташланиши ҳақида хабар берилмади.
